skip to main |
skip to sidebar
(1)
اتجننت في عقلي وقولت اخد لوزه ونروح السيما نتفرج علي فيلم رعب يمكن ربنا
ينفخ في صورتها وتحل عن سمايا بقي ... خدتها وروحنا السيما ودخلنا ومن حظي
الجميل ان السينما كانت مليانه علي اخري و ما تطلعشي فيلم رعب ..زحظي كده
وانا عارفه .. ما علينا الفيلم بدأ من هنا ولسه باندمج في الفيلم لقيت لوزه
بتبصلي وتقولي حوده
نعم .....
ساكت ليه يا حبيبي؟
باتفرج علي ام الفيلم يا لوزه
طب ما تتكلم معايا يا حوده
ما ينفعشي نتكلم في السيما يا لوزه
طب احكيلي الفيلم يا محمود
حاضر ..... اللهم طوللك ياروح .. شوفى ياستى .. الراجل اللى قدامك دهه
دلوقتى بيحب الست دى
قام واحد من المتفرجين فجاة اتضايق منهم وقال
يااستاذ؟
محمود: نعم
الراجل: عاوزين نسمع الفيلم .. الحكاوى دى تبقى فى الفسحة فى بيتكم .
محمود: حاضر انا اسف ياسيدى ...
قامت لوزه باصه لمحمود
وبعدين يامحمود .. كمل ياحبيبى
وهما دلوقتى الراجل والست اللى بيحبها قاعدين فى الجنينة بيشربوا شاى
هما اللى بيحبوا بعض بيشربوا شاى يامحمود؟
امال يعنى هيشربوا لبان دكر .... شاى طبعا شاى
طب ماتقوم نشرب شاى يامحمود
ياستى احنا دلوقتى بنتفرج على الفيلم
يعنى مش عاوز نشرب شاى مع بعض يامحمود؟
ياخبر اسود ومنيل ... ياستى مش وقته
انت مش بتحبنى يامحمود ؟
ياستى بحبك بحبك بحبك ... ان شا الله اعدمك بحبك .. ان شا الله تدوسنى طيارة بحبك .. اوف
وانا بحبك كمان يا محمود ياحبيبى
طيب ياختى حبك برص
مش انا بحبك يامحمود؟
اه بتحبينى يااختى يا لوزه
طب ماتقوم نشرب شاى بقى يامحمود
سيبينى بقى اتفرج على الفيلم ... سيبنى بقى اتفرج ... ياساتر.
انت زعلان ياحبيبى؟
ايوة زعلان
ليه .. هو الفيلم درامى ياحبيبى ؟
لا .. كوميدى
طب مادام كوميدى ماتضحك يامحمود
قالها: حاضر.... قام ضحك ضحكة عبيطة جدا عشان هى تسكت
فقالتله: بتضحك على ايه يامحمود؟
يانهار اسود ومهبب ومنيل .. بضحك على الفيلم ياستى بضحك على الفيلم اوف
طب ماتضحكنى معاك ياحبيبى
الصبر يارب الصبر ... حاضر ياستى حاضر ...
وبعدين ياستى ابوها اللى قدامك دهه شافها مع الواد ده قام ...........
فقام احد المتفرجين في السيما
محمود
نعم
اتكتم بقى ياحبيبى
حاضر يااستاذ حاضر
لوزه ندهت ....محمود
نعم
كمل ياحبيبى
حاضر ... بصى هناك بصى... وبعدين لما شافها ابوها قاعدة مع الواد دهه اتغاظ منه
اتغاظ منه ليه يامحمود؟
الراجل اللى بيتفرج جنبهم يزعقلهم ويقول
عشان مش عارف يتفرج على الفيلم عشان مش عارف يسمع
حاضر يااستاذ انا اسف
خلاص الفيلم كده يامحمود؟
لا ياستى لسه...
طب ساكت ليه ياحبيبى؟
احترت يارب احترت ... الناس عايزة تتفرج اسكتى بقى اسكتى بقى اسكتى
طيب ياحبيبى هاسكت اهه
: ايوة كده ياساتر
كمل انت بقى ياحبيبى..
ياخبر ااوسد ومنيل ... اوف
مالك بس ياحبيبى؟
قالها: متغاظ متغاظ
ومتغاظ انت ليه ياحبيبى ؟ هو انت ابو البنت اللى فى الفيلم ده ؟
يا سااااااااااااااااااتتتر
.( اقتباس +شويه تظبيط)
0 التعليقات:
إرسال تعليق